Caan tha kan ngaihmi chung te ah hin- By Tial Men Cuai

 

1 Johan 4: 12 Pakhat le pakhat kan  i dawt ahcun Pathian cu kan chungah a um i kan chungah a dawt nak cu a um.

Matt 7: 1-5 Pathian nih an soi nakhnga lo mi va soi hna hlah…….

 

Hi zuksuai thiam pa bantuk hin, midang zuk hi kan suai  ve hnga lo i, a suai zong hi kan i zuam ve hnga lo????

Khua pakhat ah mitkhat le kekhat lawng a ngei mi siangpahrang pa a um.
Nikhat cu a ram chung i zuksuai thiam vialte kha a kawh dih hna i, “ka zuk dawh tein ka suai tuah uh” tiah a ti hna.

Sihmanhsehlaw, a hohmanh nih a zuk cu an suai kho lo i, suai zong an duh lo. Zeitindah mitkhat le kekhat lawng a ngei mi cu, dawh te cun a zuk cu kan suai khawh lai an ti.

Nain an lak i mipa pakhat nih, siangpahrang pa zuk cu dawh tein suai ding ahcun ai awt phawt.

A vun dih tik ahcun, ai dawh tuk pin ah a mak tuk hringhran caah, mi vialte an khuaruah a har i a lau ter dih hna.

Hi pa nih hin siangpahrang pa zuk cu hi tihin a suai;
Siangpahrang pa ram a vaih i, sakah awk ah ai ngiat lio, A mit khatlei cawmi can ai ah, mitkhat chinh in aingiat lio le kekhat lei a bul mi can ai ah kekhat lei khukbil buin hmual aa tinh lio zuk a suai.

Hi zuksuai thiam pa nih hin, siangpahrang pa a derthawmnak le a tlamtling lo nak vialte kha huh piak in dawh taktak in a zuk a suai khawh i mipi vialte a lau ter dih hna.

Zeiruang ah kannih Khrihfa ai timi zumtu hna zong nih hin, hi zuksuai pa bantuk hin, midang an derthawmnak le an tlamtling lo hi huh piak in, dawh tak in an zuk hi kan suai khawh ve hnga lo.

Kan nih cu midang zuk kha dawh tein suai tu i zuam loin, an derthawmnak le an tlamtling lo nak tu kha kawl le hmuh piak tu kan i zuam tawn. Zeiruang bik ah dah a si hnga?? Khrihfa kan si nak le kan zumhnak a buanh tuk caah maw a si hnga?

Caan nih mi a hngak lo, caan nih an kan liam tak hlan ah le caan tawite kan ngeihmi chung ah hin, hi zuksuai thiam pa bantuk in midang zuk suai kho mi si i zuam cio ve hna u sih.

Hi vawlei ah khrihfa pawl kan i dawt lo le kan i zawnruah lo ah, zeitindah vancung khua ah hmunkhat ah kan um ti kawh lai?(Sadhu Sandar Singh)

Note: A cunglei sermon tawi hi leeng- Tial Men Cuai ( Tialku) nih a kan tialpiak mi a si. Tialku cu kan khrifabuu (BCC) mino pakhat zong a si i, kan khrifabuu ah pumpek in kum-4  chung sunday school sayamah pin ah kan fa le laica chimrian zong pumpek in a kan tuanpiakmi a si.

“Na kan len caah kan i lawm_voidang ah kan lengthante, Bawipa nih thluachuahnak in pe seh”

Phawrhlawt pi thlak a um lo

Caan khat lio ah vawlei cung raltuk thiam le mirum minthang bik pakhat a si ve mi Alexander siangpahrang pa cu, vawlei ral lian tampi a tei hnu ah hlawhthlinnak nganpi he sunghno a nu runinn lei panh in a rak thlun lio, laampi ah nuamngai in a mi-tthi pawl he zanriah andum lio ah, ruah lopi in a thlu i cu ti cun zeizawtnak a si ti hmanh theih lo in zualhma ngai in a um.   Cuti zualhma ngaiin thih bawh in a um lio caan ahcun, “ram a ukmi le teimi pawl, a suingun chawvaa le hriamnam pawl hi a lak men pei an si ko hi”,  tiah a fiang thluamah. A nu run inn tang te ah nuamte in khuasak ti lio caan te hna kha a mitthlam ah an hun cuang vima. Hmanhsehlaw a nunnak ah ruah channak a um ti lo ti ai fiang cang. A mi fim pawl zong nih an thiam nak umek in an i zuam na in zei zawtnak a si hmanh theilo in, a nu run inn te hmanh phan manhlo in le anka thlum te hman tong ta loin ni hra hnu ah a thi.

A thih lai te ah lunghno ngai in biaro pathum a vuih ta hna. Cucu lei nun ka kal tak tikah rak ka tuahpiak hram uh ti`ah bia a tiam ta hna.

A biacah pathum cu, ka thih tik ah;

  1. Ka ruakkuang hi a ka thlawpbultu siibawi te nih, thlanmual lei ah ka zawn te hna seh.
  2. Ka thlan kalnak lam ah ka sui ngun lungvar mansung vialte hi rak vorh dih hna uh.
  3. Ka kut hi ka ruakkuang leng ah nan chuahter lai. ti hi Alexander  Siangpahrang pa biarovuih cu a si.

Cu an Siangpahrang pa biaro cah mi nih a mi-tthi lalang pawl khua ruahhar in a ciah hna i, a mi-tthi pawl nih cun, “ Bawipa na biacah mi hi kan in tuah piak hrimhrim la, a si nain zeidah a sulllam si,”  ti ah an hal.  A robia cahmi suallam cu;

  1. “Siiibawi nih ka ruak pu hna seh” ka timi cu, zeibantuk sibawi hmanh nih nunnak kan timi hi an rak tuah kho taktak lo i an serkho lo, ti hi langter kaduh.
  2. “Thlan lam ah ka sui le ngun hlawnthil rak vorh hnauh” ka timi cu, ka nun chungah thi lo nung lo in kan kawlmi rumnak le power hna nih kan ruak an dawi kho lo kan ruakkuang tiang menmen lawng an rak si ko. Man a ngei tukmi ka tikcu caantha a lak men in ka dih ter men khi a si ko. Cu nak cun mi dang caah, ka Pathian caah man ngeiin ka chawva le hlawnthil hna, ka tikcu caantha hna hi rak hmang ninglaw cu a tthadeuh tuk hnga ti suallm langternak ah a si.
  1. “Ka kut kha ka ruak kuang lengah nan chuahter lai” ka timi cu, ka nu pawchung in hrin ka si ah khan zeihmanh ngeihmi, ngei lo in ka chuak i ka thih tik zongah tak lawng in ka kir than put kawhmi ka ngei lo (kut ro in ka chuak i kut ro in ka rik than) ti kha karuak hum mi vial te nih rak hngal hna seh ti ka duh» ti ah a biaro cah mi sullam cu a chimh hna.

Cu ti cun Alexanders siangpahrang cu, ton a duh tukmi a nu zong hmuta lo le siaherh ngai in, aho hmanh nih el kawh lomi thihnak nih cun a liampi ve ruangmanh ko.

A maw i a fiang lo mi, lei cung kan nunnak lamthluan caan sunglawi tukmi ah hin zeitindah caan kan hman cio?, Kan Pathian lawnglawng nih nunnak taktak a kan pek kawh, Kan Pathian lawnglawng nih rumnak taktak a kan pek i kan Pathian lawnglawng nih zungzal nunnak a kan pek. Kanmah ca lawngah kan tuahmi thil paoh cu kan i thihpi dih lai. Khrih bantukin mi cungah dawtnak le toidornak nunsiannak kan langhtermi paoh cu midang sinah a nung zungzal lai.

  •  Zeiruangah hme “vawleicung i cikhat nunnak kong hmanh chun zaan in ka ruah lio ah, zungzal nunnak ding ca vial hi zei i ka rel hnga lo”? ( Filip 2: 21 “Midang cu anmah rian lawng kha an ruat cio i Jesuh Khrih  kong kha an ruat lo”)
  • Matt 6.33 ( Cucaah zeidang vialte nak in Pathian pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek tthiamttiam ko hna lai.

(A tanglei hla ka thil chihmi hi van ngai ta)

 

 

Zeitindah na nunnak caan na hman ve tawn?

 

Voikhat cu Sehtan Bawipa le a party pawl kha general meeting an tuah ti si. Cu an meeting ah a biapi bik in an ceihmi “Agenda” cu__ “zeitindah zumtu pawl hi kan hlen hna lai”? ti a si.

A pakhatnak ah, minung pawl hlennak ding in an cuahpi mi biatung cu, “Vanram a um lo” kan ti hna lai, ti mi biatung a si. Anmah Sehtan lak ah an mi thiam pawl nih an van ceih/ruah tik ah, “vanram a um lo” ti mi hin cun kan hleng kho ti hna lai lo, a ruang cu an hngakchiat te in Sunday school ah tthatuk in an cawnpiak cang mi hna a si,» an ti.

A pahnihnak ah, minung pawl hlennak ding in ancuahpi mi biatung cu, “Hell a um lo” kan ti hna lai, ti mi biatung an van chuahpi than. Anmah sehtan party lak ah tukforh thiam pawl nih an van ceih than tik ah, “hi zong hin kan tukforh kho hna lai lo, Sunday school ah mama kheih in an kheih cang hna,” ti a si than.

A pathumnak ah, minung pawl hlennak ding in ancuahpi mi biatung cu, “Caan” (caan a um ko rih, a tuantukrih, a thlaitukcang, ka upa tuk cang, ka hngakchia tuk rih, caan dangah,) ti mi in kan hlen hna lai, a hman ngaimi le a dik ngaimi a lo ttung nain, an thlarau le taksa ca tiang in hlennak ah a thatuk mi a si an ti caah, cu biatung cu zumtu hna hlenak ah anhman zungzal.

Phungchimtu- 3:1 “Zeizong vialte caah hin caan a um cio i vanrang tang I a ummi thil vialte nih hin caan an ngei dih” a ti bang. Zumtu hna, nifatin kannunak zongah hin a rak biapituk mi cu, caan hi a si. Cu a bipituk mi “caan” te cu hmang in sehten nih, a kan hlen lengmang ko.

“Midang ngaihchiat lio ah, an lunglomh lio ah, midang cung thiltha tuah a herh lio ah, khrihfa buu ca tuan a herh lio ah, pek a herh lio ah,” hi vial te hna zong hi anmah le tikcu caan lio te ah an biapituk. A hnudeuh ah, thlaideuh ah, a tuantuk rih, a thlaituk cang, caan dang ah, tbk…cu Sehtan hlennak a si zungzal.

“Midang ngaihchiat lio ah, an lunglomh lio ah, midang cung thiltha tuah a herh lio ah, khrihfa buu ca tuan a herh lio ah, pek a herh lio ah,” hi vial te hna zong hi anmah le tikcu caan lio te ah an biapituk. A hnudeuh ah, thlaideuh ah, a tuantuk rih, a thlaituk cang, caan dang ah, tbk…cu Sehtan hlennak a si zungzal.

Facebook, suimilam pa-2,3 thut cu caan kan pek ko nain.. kan nunnak ah biapituk mi minute-5 thlacam caan kan pe kho lo. Kan nunnak ah a herh lem bak lo mi, hmanthlak zoh le, thawngchia sawh rel cu, caan kan pek kawh ko nain.. a herhtuk mi Bibal, sermon rel caan cu kan pe kho lo.

“Nizan cu a dihcang. Thaizing le a ra rihlo. Kan ngeihmi cu tuchun te a si caah tuah ding tuah zok hna u sih»__ (Mother Teresa)

 

 

 

Nun Chimtu- “Bia”

  • Catialtu tha sinak dingah, carel zuam mi si hmasa a herh.
  • Tikhur chung lawng a um mi, Uithlak nih cun rili pi kong cu a thei bak lo-(Japan-phungthluk)
  • Hruaitu tha si ding cun, zultutha si hmasa a hau.
  • Khrihfa buu sernak dingah cun, kan chungkhar ser hmasa a hau, inn chungkhar sernak dingah cun mah pumpak i ser hma sa a herh.
  • A cung kai duh ahcun, a kainak hlei i donh hmasa a hau.
  • Caa cawn cu thiamnak, caarel cu fimnak. ( zeiphungthluk dek ka cing ti loh)
  • Fimnak aidang i hruhnak zong aidang. Minung a si mi pohnih- thlinnak le chambaunak kan ngei dih.
  • Minung pathum nih, theih cangmi cu «biathli» a si ti lo, ti a si!
  • Mitthli nih a cawmmi mitfang kho khi, fiang khun in khua a hmu.
  • Thaizing khi, va ttih duhhlah. Zeicatiah cun, thaizing ah khin pathian a rak um diam cang.
  • Ngeihchiatnak cu kan I hrawmpi tik ah, a zawr. Lunglomhnak cu kan I hrawmpi tik ah a karh.
  • Na pastor/saya nih inn ka an awn piak lai, a luh tu cu nangmah rian bak.
  • Ruak tuamnak puan nih cun zal a ngei lo-(Spania phungthluk)
  • Pathian nih kut pahnih cio a kan pek mi cu; pakhat cu hmuhnak ca, a dang pakhat cu peknak ca_ (Billy Graham)

 

“Na kan len caah kan i lawm_voidang ah kan lengthante, Bawipa nih thluachuahnak in pe seh”

Hi Zong Hi A Dih/Dong te Ko Lai!

Hlan liopi ah hin ram pakhat ah a fim ngaingai mi Siangpahrang a rak um. Sihmanhsehlaw a nunnak nih a zulhmi lam thlun ah, harnak le lungretheihnak a phunphun nih khan a phak ve. Cutik ahcun mifim hna kha a kawh hna I, “thil pakhat in nan tuah, tuah lai” a ti hna.

Siangpahrang pa nih, a thawh i a ti mi hna cu,”Biathlang tawite pakhat in nan ser lai I, cu biathlang cu zei bantuk caan ca poh ah a thlak mi a si lai, nomh caan zongah suallam ngeimi a si lai I, ngeichiat caan zongah suallam ngei mi a si lai, harnak caan le lomh caan zongah siseh, bawmtu le suallam ngeimi bia a si lai”. a ti hna.

“Cun a tawite a si lai caah mi nih mittka hmaika ah fawi tein hmuh kawh ding le chinciah kawhmi a si lai caah kutdong hrolh pakhat cungah ttial kawh a si lai. Fim chim kho tu bia a si lai caah, caan khat ca lawng ah si loin, caan saupi a nguh dingmi a si lai. Zei bantuk thil a tlun caan poh ah an nunnak ah laamhruaitu ah san a tlai kho ding mi a si lai,” a ti hna.

A mifim hna nih cun an ruah lengmang I a donghnak ah Siangpahrang sinah cun hi biatlang hi an chuahpi. A tu caan ah siseh, hmailei caan ah siseh, vantthat caan ah siseh, vanchiat caan zongah siseh , thil zei bantukin a va thlen ah siseh, minung lungthin daihter khotu a si ti in sianpahrang pa kutdong hrolh cung I ttial awk ah an pekmi biatlang cu:

“Hi Zong Hi A Dih/Dong Te Ko Lai” ti hi a si.

•Sifak tukin na um maw ka hawi? Na um ahcun zeipoi lo hnangam in um ko, kan ti; Zeicahtiah na ngaihchiatnak cu an liam lan te ko lai.

•Lunglawm ngai in na um maw? A hlei in I lawm tuk lem hlah; Na lomhnak kha a zatawk in tthum, Zeicahtiah hi zong hi a liam ko lai.

•Na nunnak lamthluan ah, thinphang thlalau in na um maw? Cu zong ahcun na awlokchong hlah. Ruahchannak tu kha tek tein I tlaih law, na nunnak khuallam kha zul kho, Zeicahtiah cu zong cu a liam ko lai.

•Hneksaknak fak na ing maw? Hi zongah hin na ngaihchia hmanhsehlaw.Biatak pakhat kha I tlaih peng, hi zong hi a liam ko lai.

•Sunparnak ceunak nih an zel maw? Phawrhlawt ruamkai in na um sual maw? Hi zong hi a liam ko lai.

•Zei bantuk na si zongah, Khuazei ka i na um zongah. Hi bia hi ttha tein va ruat; Hi zong hi a liam ko lai.

Note: Hnangamnak fianrial

“Na kan len caah kan i lawm_voidang ah kan lengthante, Bawipa nih thluachuahnak in pe seh”